當年今日
關於我們

【賭馬講呢啲】希斯開倉消息 刺激大摩不再嘆慢板(妙瞳)

蘋果日報 2019/09/13 21:40

大摩開倉希斯妙瞳賭馬講呢啲二郎

剛周二(10日)馬會公佈希斯下季重臨開倉,其實早幾季已有傳這位前冠軍練馬師回歸,但一直未見成事。
行內人一直話千真萬確,但到希斯重臨一日,有可能是頂替一個大馬房,心水清的朋友,亦早知這個大馬房應是大摩馬房。
而當馬會正式公佈希斯下季獲發牌後,同一時間提到以填補將出現的空缺,而大摩下季年屆70歲必須退休,所以這位老香港餘下要做的,只剩下爭取本身最後一次練馬師冠軍。
上次夜馬前提過,大摩頭兩個賽日也像他的宿敵蔡約翰一樣慢熱,出賽馬最叻跑第三,但隨住剛周二正式公佈希斯獲牌,變相告訴大摩只能練埋今季。
經這消息刺激下,剛周三(11日)摩廐雖仍未開齋,但已有「喜蓮彩星」及「任我行」入Q有所進展,究竟大摩會否因確定爭最後一次冠軍而不再嘆慢板。
周日(15日)第八場「二郎」表現乃最佳指標,論準備及試閘表現,這匹四歲馬應是開季以來最省鏡的摩廐馬,還要用到潘頓吼準強項泥地一哩,若大摩已回復正常運作的話,「二郎」應可坐亞望冠。
論開季表現,當然以三次都有馬贏的告東尼搶鏡得多,尾場「綫路勇駒」上季連場誤於發揮未贏,今季評分下調至63分新低點,本身帶懶性不易發揮,用到莫雷拉深慶得人,騎練有力繼剛周三尾場「醒目勇駒」後再下一城。
-------------------------------
參加《玄機解馬》節目,可免費畀美女堪輿學家唐碧霞睇八字、睇相指點迷津,快啲入嚟報名。
https://forms.gle/dN9hfSiFxc7T8E436
-------------------------------
馬匹賽績、騎練數據、名家貼士
【最強贏錢武器 盡在蘋果馬網】
https://hk.adai.ly/e/5nFdCiYq8Y
-----------------------------
【撐學生】
召集有心人 撐學生全年睇《蘋果》
立即按此
-----------------------------
《囚牢之疆》 專頁
揭開集中營邪惡面紗
今日新疆 明日香港
empty
二郎有力成為摩廐新季開齋馬