港股今日反覆向好，收報27618，升57點。內地公佈首季GDP數據，一度令大市高開後倒跌，但低位承接力不俗，而且有人掃起內銀頂住指數，令恒指尾段再升，大市交投依然暢旺，成交超過2,000億元。

內地首季GDP增長7%，雖然達到政府增長目標，但是按季增長為近六年低位，而且固投、零售和工業增加值均低於預期，發電量更減少，構成一幅經濟大減速的圖畫。保七雖似成功，但看來相當勉強，內地民生證券研究員就質疑數據是否造假。

中港股市近期喪升，見到如此數據，趁機回吐反覆好正常。本欄早前就對首季GDP能否保七表示懷疑，故此對此數據不感意外。其實若非經濟喪失動力，中央亦不會放水鼓勵炒股、放生內房。炒股炒房救經濟，美國都試過，財富效應有時的確好有用，至少帶動消費，但吹大另一個泡沫後遺症不少。不過我等炒友只爭朝夕，有得搵就要搵，唔諗得太多。

本文為節錄，全文請留意明日蘋果日報投資版。