工行（1398）昨日開始公開招股，未知各位讀者今次打算入票認購幾多數量？有心認購者自然看好新股的升幅，分得愈多當然愈好，借孖展認購的玩法，相信好多散戶係專家，星俠不如講些少今次天下圍「工」的傳聞。
聽聞有位散戶大哥被某間中資行AE游說落大飛認購工行，話有門路向國際配售部份入手，散戶大哥於是大額申購30球，博獲配更多股數，佢心諗入得30球，最差也應該獲配20至30萬股。點知昨日AE來電告之，表示最壞情況可能只獲配幾千股，大哥即刻有俾人點的感覺！
新股配售一向透明度有限，兩個人即使申購相同股數，但獲配結果可以完全不同。如果呢位散戶大哥入票申購30球，最後只得幾千股，就肯定要蝕息。