當年今日
關於我們

【轉會講場】尋找沙比接班人 拜仁3.5億斟里昂新星

蘋果日報 2017/06/14 12:33

德甲拜仁慕尼黑祖雲達斯里昂沙比阿朗素杜格拉斯哥斯達哥倫天杜利素

拜仁慕尼黑過去一季先後有拿姆同沙比阿朗素高掛球靴,球會當然要搵接班人,其中接替拿姆嘅不二之選理應係陣中德國國腳甘美治,咁沙比嘅位置呢?據法國同德國傳媒報道,拜仁已經同里昂達成初步協議,將會以4,000萬歐元(約3.5億港元)收購22歲中場哥倫天杜利素,呢位新星去季為里昂各項賽事上陣47場射入14球,並喺3月首次代表法國國家隊友賽西班牙時披甲,引來車路士、阿仙奴、AC米蘭等歐洲豪門垂青,但拜仁暫時喺呢場收購戰佔上風。
有人來亦有人去,據《天空體育》報道,祖雲達斯已經同拜仁翼鋒杜格拉斯哥斯達傾妥個人條款,年薪約600萬歐元(約5,250萬港元),但兩間球會喺轉會費上仍然有分歧,拜仁索價5,000萬歐元(約4.38億港元),但祖記只願支付最高4,500萬歐元(約3.94億港元)。26歲嘅哥斯達去季喺安察洛堤麾下受重用程度下降,各項賽事上陣34場射入7球。