張美妮噚日以性感打扮大騷瘦身後S身形，佢話喺三個月減咗近20磅，以後唔使再俾陳鍵鋒叫做張美肥。之前第一次着三點拍廣告，佢話真係驚到震，不過𠵱家對自己身形有信心，俾人望下都冇所謂喇。陪同出席嘅陳鍵鋒（小圖左）就話𠵱家啲男人都鍾意瘦嘅女仔，佢話自己鍾意瘦而腳長嘅女性，而陳慧琳同莫文蔚就係理想類型。