陳展鵬和太太單文柔，連同鍾舒漫、崔碧珈、小肥和雷琛瑜等今日到中環出席髮型屋活動，先問到社會氣氛低迷加上不少網民號召要圍堵無綫，導致今年破天荒前一日預錄台慶播放，到昨日正日整個電視城猶如「死城」，陳展鵬表示：「其實錄影完先知道公司呢個安排，大家都有啲唔開心，但公司覺得最緊要大家出入順利。」陳展鵬又稱希望明年再多練習，到時再做直播給觀眾：「無綫陪我哋成長，經歷過起起跌跌，我哋做娛樂都希望將歡樂帶畀觀眾。」

談到黃澤鋒的太太及女兒疑受催淚煙影響出紅疹，陳展鵬稱現居住地方情況還好：「不過我拍劇經常出入好多大塵污糟地方，放工返去一定要全身消毒，似足入ICU咁。」單文柔就自認是緊張媽咪，故老公入屋前要噴消毒噴霧，再沖涼換衫才接觸女兒。

至於鍾舒漫對張致恆火速再做爸爸，她稱是透過新聞得知：「相信做咗爸爸後心態會唔同，希望佢學習做個好爸爸，一家人開開心心。小朋友是上天賞賜禮物，替佢開心啦！」

採訪：曹家誠
攝影：陳俊強、廖達燊

《迪士尼公主大世界》
14位公主一書睇晒
-----------------------------
【撐學生】
召集有心人 撐學生全年睇《蘋果》
立即按此