名門望族出身的周啟邦，與妻子譚月清縱橫香港ball場近四十載，堪稱第一代ball場名人，打扮亦永遠教人驚喜。
兩人在英國留學期間因同樣熱愛時裝而生情愫，情定今生，以時裝和扮靚作為愛的見證，多年來無論出席任何場合，周氏伉儷的打扮總不教人失望，由周啟邦設計，邦嫂以身示範，鏡片衫、透視裝甚至綴滿小電燈泡的大篷裙，統統試過。
周氏伉儷由60年代開始一年兩季飛米蘭、巴黎睇時裝騷，一返港馬上展示新裝，永遠走在潮流尖端。周啟邦曾說：「人哋冇嘅，我要第一個着。」時興的nudebra，邦邦早30年前已在美國買給邦嫂：「嗰陣我設計件透視衫，裏面得個nudebra，上面釘滿珠片。」

傳浴室裝金馬桶

70年代至80年代初，周啟邦年年在家舉行化裝舞會，那是當年社交界盛事。化裝舞會曲終人散，周氏伉儷便轉戰ball場，粉紅色和金色是他們的主題色，坐擁經典粉紅及金色勞斯萊斯，據聞就連浴室一樣金碧輝煌，包括一個金馬桶。
只要主人家講得出活動的主題，周啟邦便會提前三個月搵師傅做衫，與妻子按主題設計。04年劇集《金枝慾孽》大收，周啟邦伉儷即化身「金豬肉熱」，周啟邦一身雕龍唐裝配獅頭粗金鏈，邦嫂穿上鮮紅肚兜加大紅花頭飾，不過近年已越趨低調。
誇張的服飾不是人人受得起，背後的指指點點，周啟邦一笑置之，他說：「風頭係人畀，香港好多人想出風頭，你有冇咁嘅份量？我係荷李活style嘅人，細個想去荷李活發展做導演，所以個人咁戲劇化。」