濠江財爺百問百冇 - 李八方

蘋果日報 2003/09/03 00:00


北京呢兩個月真係旺到不得了,除咗香港不同社團上京面聖,財政司司長唐英年同工商及科技局局長曾俊華又輪住上去,八方老友噚晚喺東方君悅大酒店等緊曾俊華嘅時候,又撞到澳門經濟財政司司長譚伯源。
譚伯源可能冇乜心理準備會見到記者,佢話自己上京係出席一個經濟論壇,問到佢會唔會約香港新財爺唐公子見見面?佢話冇咁嘅安排。咁香港合法賭波之後,對澳門收入又有冇影響呢?佢又話冇咁嘅數據,總之就百冇啦。
(圖)譚伯源可能估唔到喺北京都見到香港記者,有啲愕然。 本報北京傳真


傳真︰2623-9278
電郵︰[email protected]