想一夜致富，波膽過關幫到你。周三晚賽事，精選兩瓣熱門和波戰果1:1，加上兩條「其他」波膽，5注出擊博收634倍。
阿塞拜疆上周六「好叻仔」，作客僅負塞爾維亞0:1，今日返主場，迎戰對手係級數差唔多嘅哈薩克，但都唔易贏，事關哈薩克亦喺上月中進行嘅首輪分組賽，作客迫和比利時爆出大冷門。今日呢兩支近期戰績有交代球隊碰頭，博和最佳時機，梗係向熱門和波波膽1:1埋手！
土耳其自從02年世界盃贏咗個季軍後，都好耐未威過；但佢哋一班球員確有質素，今日係佢哋首場歐國盃外圍賽分組賽，對手只係同組魚腩馬爾他，估計憑史浩克04嘅艾天托普兄弟，加上尼赫治及哈根蘇古等好手，「主其他」可試。

德國「客其他」咪走雞

瑞士上周六總算不負筆者所望，開咗個Ｗ。今次同奧地利交換友賽對手，迎戰上仗打和奧地利2:2嘅哥斯達黎加，唔再信瑞士嘞；話晒哥軍真係有多少入波板斧，呢場和波味濃，又係向熱門嘅1:1波膽埋手。
最後德國作客魚腩部隊聖馬力諾，近期部份友賽中，就算係魚腩部隊，只要佢哋真係全軍死守禁區，強隊要入波都幾頭痕。但德國有多瓣高空波，有望憑高空攻勢入波。呢場吼德軍開個「客其他」波膽。文：華度