【港劇大戰】ViuTV《地產仔》硬撼大台新劇 演員平均年齡後生近一倍

蘋果日報 2020/06/23 17:23

廖子妤港劇ViuTV吳肇軒胡子彤余香凝地產仔
    廖子妤（Fish）、余香凝、陳穎欣（Yanny）、吳肇軒與邱士縉（Stanley）等一班年輕演員主演的ViuTV新劇《地產仔》，今天於九龍灣舉行記者會，Fish以劇中的中性打扮現身，她指拍攝耗時半年左右，更要紮胸上陣，她說：「我平時禾稈冚珍珠，不過都幾辛苦㗎，就算好細都係，紮住透唔到氣，不過慣咗就有安全感，會進入角色。不過我都特別照顧佢（胸部），每晚都拍醒佢，怕佢搵唔到屋企、唔識返嚟，每日都會拍佢一百幾十下，拍醒佢，我會跟Coffee按摩胸部條片嚟做。」
    《地產仔》將會跟大台新劇《殺手》同期對撼，Fish表示：「我覺得多啲唔同嘅題材，等觀眾有得選擇，可以兩邊一齊睇，百花齊放。我哋呢套劇嘅拍攝手法唔同，係笑中有淚，香港人精神，就算幾慘幾壞，都要堅強笑下。」Yanny則說：「我梗係支持自己呢套，喜劇之餘仲有感動同貼地。」《地產仔》演員平均年齡較《殺手》年輕1倍，會否感到較有優勢？胡子彤笑言沒有1倍，只是後生少少，不過他直言希望更多觀眾能夠留意年輕演員。
    吳肇軒則表示新劇似《古惑仔》與災難片，有一場打交戲份更要吊威吔，提到對撼大台劇，他說：「兩個平台各有捧場客，我對《地產仔》有信心，最希望吸引大家睇電視。」而Stanley認為題材不同，《地產仔》較貼地，更笑指此劇應該是史上最多爆屎渠的劇集，是電視尺度極限的挑戰。

    -----------------------------
    打國際線 《蘋果》英文版免費試睇 按此了解更多
    英文版已登錄新版《蘋果》App按此下載/更新
    empty
    ViuTV新劇《地產仔》今天於九龍灣舉行記者會，一眾演員齊齊亮相。
    empty
    Fish以劇中的中性打扮現身，拍攝時更要紮胸上陣：「都幾辛苦㗎，就算好細都係。」
    empty
    新劇與大台對撼，Fish說：「多啲唔同嘅題材，等觀眾有得選擇。」
    empty
    胡子彤笑言兩劇年齡差距沒有1倍，不過希望更多觀眾能夠留意年輕演員。
    empty
    Yanny堅定支持《地產仔》：「喜劇之餘仲有感動同貼地。」
    empty
    吳肇軒（左）則表示新劇似《古惑仔》與災難片，打交戲份更要吊威吔。
    empty
    提到對撼大台劇，吳肇軒說：「最希望吸引大家睇電視。」
    empty
    徐少強和雪梨的女兒徐頴堃亦有份參演《地產仔》。
    empty
    鄭浩南未能出席記者會，但亦有拍片支持自己久未接觸的港劇。
    empty
    MIRROR的Stanley亦有參演。
    empty
    《地產仔》為ViuTV原創劇，以新生代演員為主，老戲骨如鄭浩南、雪兒等為輔。
    empty
    大台《殺手》繼續食老本，用陳豪及黎耀祥兩位半百中佬作招徠。