【同志變牧師】占士法蘭高震撼演繹攣變直
占士法蘭高James FrancoI Am Michael曾經是同志
荷李活男星占士法蘭高(James Franco)近年作品非常多元化,除咗會拍吓喜劇《非常外父插女婿》(Why Him?)之外,近作《曾經是同志》(I am Michael)就演繹由同性戀者變成牧師嘅角色,極考演技,更被指繼《127小時》(127 Hours)以嚟最精釆演出。
《曾經是同志》改編自真人真事,故事本身已經非常震撼,講一個同志運動領袖嘅人生發生巨變,由前衛走向保守,更加入教會成為牧師,令同志運動界為之震驚,最後佢更同一個女人結婚。呢段心路歷程對同性戀運動、宗教同愛情都好大衝擊,占士法蘭高仲親自參與電影幕後製作。