當年今日
關於我們

【寵物療情傷】姚子羚捲入四角關係冇得唞 請咗假都要開工

蘋果日報 2019/06/02 18:45

鄧卓殷姚子羚錄音

姚子羚與鄧卓殷最近分別捲入多角關係之中,今日兩人一齊為寵物節目宣傳,姚子羚受訪時說:「本來好早已經請假,真係好想休息,但《唐人街》比預期遲收工,而呢個寵物節目,又好想我參與,因為自己都好鍾意寵物,覺得節目理念同自己好相似,想表達貓狗寵物係我哋一家人,好似朋友親人一樣,需要時間大家去相處。我哋會喺節目中講寵物行為,同埋棄養問題,會多鼓勵大家去領養。」
子羚又提到本來也想帶自己狗狗上節目,不過帶狗出街就像帶BB一樣,要帶水和零食,又要帶玩具,自己隻狗又不太受控制,平時少接觸其他狗,好少有社交活動。
日前本報再報道有五段疑似姚子羚的錄音(新聞連結: http://bit.ly/2QDKl9C ),今日姚子羚再談到事件:「呢件事唔會再回應,我已經講過,已經澄清過,已回應嘅都回應過,件事已告一段落,已係過咗去嘅事,我覺得冇需要再去回應,就算再發放咩嘢都係冇意義。」
另外,鄧卓殷表示與郭子豪拍拖,更被指是第三者,令她很不開心,好彩公司仍然給予機會:「件事一出我同佢(郭子豪)已經同公司報備案,公司好好,一直俾機會我。」
--------------------------------
【六四30】守住歷史 拒絕遺忘
https://hk.adai.ly/zdzKtt2RiW
--------------------------------
【記住63836568】全民爆相爆片!下一個爆料王就係你
https://bit.ly/2Guolu9
empty
再有疑似姚子羚錄音流出,她謂已經解釋過,不會再回應。
empty
鄧卓殷被指是第三者,介入郭子豪與女友之間,令她不開心。
empty
陳庭欣帶同早前走失的鸚鵡出席。