百富環球(327)嚟緊日子,肥過肥仔水,買。百富環球主打電子化交易終瑞機解決方案。以出貨量計,係全球第四大營運商,講優勢,好掂。又家陣包括金磚四國等新興經濟體,推動城鎮化,唔少地區政府,亦都積極推動電子化交易模式,所以,百富環球面向嘅「城鎮化」,係全球性。
再講,好似「Visa」及「MasterCard」呢類超級大孖沙,近年嚟就一啲發達國家好似花旗國,廣泛部署符合EMV標準嘅終端機,亦開正百富環球條水。係咁意計數,百富環球13、14年度,純利增長25%,到2.28億銀及2.86億銀,預測PE跌到得番8倍及6.5倍,吸引到痹。買百富環球,以2014年10倍PE做目標,要見2.75元,現價係要翻半番。