憑美國青春劇《OC》（TheO.C.）走紅嘅美莎芭頓（MischaBarton）近年星途暗淡，現年30歲嘅佢都冇乜嘢撈，早前佢財政亦出現問題，被母親將佢嘅收入落格，又趕佢出屬於佢嘅豪宅。佢今年初參加跳舞真人騷《DancingwiththeStars》，曝光率增加，可是表現得差好快被foul出居。
美莎芭頓最近同朋友去咗希臘度假，為咗呃Like博見報，美莎都去到好盡，佢半裸上身，坐喺露台喺欄杆上擺甫士，見條欄杆咁幼，佢一失平衡好容易跌落街，都咪話唔危險，不過後面個景又係幾靚嘅，成功呃到萬三個Like。美莎亦放咗張真空着外套誘人床上照，網民話佢素顏都幾好睇。