富豪產業信託(1881)保守息率回報超過10厘,防風力特強,係時候睇位兜轉。富豪產業09年半年度(6月底止)每基金單位派息8.5仙,齋計中期派息,已經超過5厘。要咁睇,今年下半年經濟市道比上半年度好,流感對民生影響又冇估計咁大,加埋今年「十.一」長假效應,富豪產業下半年度業績,應該比上半年度仲好。係咁意計數,09年末期每基金單位派息同中期息睇齊,富豪產業息率回報已經挨近11厘,食息都已經夠和味。
再講,富豪產業最新NAV折讓又上到45%,未有耐爆標,防守力進一步加強。呢轉睇實1.50元橫行位兜轉,又博富豪產業升40%,到2.10元,到時富豪產業嘅息率回報,仲講緊高達8厘。有咁嘅息率,真係冇有好怕。