【武漢肺炎】女藝人日本返港「唔舒服」趕去試鏡 邵子風篤灰引網民洗版鬧爆
蘋果日報 2020/03/23 00:45
邵子風武漢肺炎廖熙琳熙琳美少女日本民宿
武漢肺炎在全球肆虐，本港持續錄得武漢肺炎確診個案，政府要求在本月19日凌晨零時起，由大陸、澳門以外地方返港的人士入境要強制接受醫學監測14日。前日（21）FB有從事電影業的人員透露，有一名女藝人剛從日本返港，自稱極不舒服，並質疑對方沒有自我隔離14天之餘，更在日前參加試鏡，令人擔心女藝人在試鏡場地播毒。
前日有網民「Mak Belebala」在FB中透露20日去試鏡時，遇到一名女藝人剛從日本回來，好奇上去詢問對方有沒有隔離，對方笑笑口表示有，不過當她再問是否只隔離了1、2日後，對方就沒有再回答。之後Mak Belebala在IG中再問該女藝人，從日本回來後是否有不適，對方就回答：「有啊，從日本回來後就很不舒服啊。」Mak Belebala即問對方有沒有隔離14天，以及提到隔離14日的必要性時，對方竟然回覆「你真係儍㗎喎」。
雖然Mak Belebala沒有開名，但邵子風卻在FB「篤灰」，貼出該女藝人的IG截圖並留言：「唉……我做醜人啦……」雖然邵子風貼出的IG賬號有打格，但有其他網民成功起底，找出賬號女主人是曾為香港開電視拍過旅遊節目《美少女日本民宿》中的廖熙琳（Hillary Liauw），而邵子風回覆《蘋果》查詢時明哲保身說：「我而家唔得閒，你問番個女仔。」
曾在電視劇《二月廿九》中飾演巴西龜一角的岑珈其亦有在Mak Belebala留言鼓勵，表示做法正確，她說：「做咩工作都係咁話，根本就應該自我隔離，而家唔止係保障自己係保障埋你身邊嘅人。」至於Mak Belebala亦表示已通知當日進行試鏡的電影公司，讓他們全面清潔，以及通知曾跟該女藝人做過對手戲的演員。
香港開電視回覆《蘋果》查詢指，《美少女日本民宿》是外判節目，據知Hillary為節目拍攝3集，在2月出發。翻查廖熙琳IG，她3日前出過的post中曾有人問她是否已安全返港，廖熙琳就回答「是啊」。而在邵子風「篤灰」後，有大批網民湧到Hillary的IG留言，指摘她去完日本不隔離之餘又周圍去，完全是自私的行為。
熙琳晚上接受《蘋果》訪問，她說：「我都估唔到呢件事會引起大家嘅恐懼，真係唔好意思。但係我都有啲嘢要澄清番，首先我係3月11號喺日本做完嘢返香港，之後我都有喺屋企自我隔離，每一日都有量體溫，亦唔會出去玩，直到18號同20號，因為有一個綜藝節目同劇要試鏡，所以我先出去，不過試完鏡之後，我都返咗屋企，盡量減少喺出面逗留。」
至於熙琳曾經回覆對方表示「唔舒服」，熙琳則說：「其實我講嘅唔舒服，唔係指身體，而係心情，本來我喺下個月中會去日本讀書，但係因為疫情影響，所以呢個計劃要延期，對我嚟講真係好失望。」她還說：「為咗唔令大家擔心，我聽日都會去醫院做個快速測試，之後都會繼續留喺屋企自我隔離多幾日。」而回覆Mak Belebala說「你真係儍架喎」這句，熙琳解釋：「我只係話佢以為我真係身體唔舒服而走去試鏡，所以咪開玩笑咁答咗佢，不過我哋私底下係唔識，所以唔知我係講緊笑。」
網民「Mak Belebala」指在試鏡時遇到有從日本回港的女藝人。（FB圖片）
IG再次相勸，但對方回覆「你真係儍o架喎」。（FB圖片）
邵子風「篤灰」，即有人起底找出涉事女主角是廖熙琳（Hillary Liauw）。（FB圖片）
Hillary為開電視節目《美少女日本民宿》錄影，據知Hillary在2月出發去日本。（IG圖片）
（IG圖片）
日前曾有朋友問她是否安全回港，Hillary簡單答「嗯，是啊」。
大量網民湧到Hillary的IG留言。