當年今日
關於我們

福山雅治事業受創情緒低落匿化妝間

蘋果日報 2016/05/06 06:00

蘋果收視福山雅治即時日劇吹石一惠月九LoveSong藤原櫻

日本型佬福山雅治一直喺藝能界都係天王,不過,佢上年佢失驚無神同女星吹石一惠結婚後,人氣似乎真係受到影響,佢婚後首部主演劇集《LoveSong》,今個星期一播出第4集,經過咗日本幾日假期後,今日先至公佈收視,好唔好彩已經跌到得番8.5%,隨時會創下「月九」時段最低收視。

福山為富士電視台拍攝嘅「月九」劇集《LoveSong》,開播前已經傳出是非,因為女主角係福山只得20歲嘅師妹藤原櫻,佢被指益自己友,而且二人喺劇中有感情戲,被指似足父女戀,結果第1集已經得10.6%,但去到第4集已經跌到8.5%,據指福山除咗身價可能大受影響之外,佢心情亦都唔多好,有日本爆料網站話,福山喺片場知道第2集收視比第1集少,得9.1%時,已經同身邊啲人話:「唔係啩!係咪計錯數呀?」好似難以接受自己嘅劇集成績咁差,而且佢亦因此而情緒低落,最近拍攝時,喺未埋位之前,一直都匿喺化妝間,唔想出嚟見人,相信佢幾大壓力。