1892年6月3日，係英超球會利物浦創會日子，原來已經係超過125年嘅事。紅軍目前嘅球衣供應商New Balance，為咗紀念125周年大日子，將會推出一件限定版全黑利物浦球衣，由件衫到會徽到所有衫上嘅字，都係黑色。

紅軍以黑色為主作為作客球衣，近年都唔少，由十幾年前謝拉特同費蘭度托利斯都仲在陣嘅時代，到近一兩季都有出過。今次呢款限定球衣，就黑得好徹底，波衫、會徽、生產商以至胸口贊助，全部都係黑色。生產商話呢件波衫會喺今個星期四發售，有興趣嘅球衣就要留意下有乜渠道可以入手喇。不過既然叫得限定版，想擁有自然要畀更大代價；利物浦官網將呢件黑色限定球衣定價為90鎊（約900港元），比起紅色主場球衣嘅50鎊，貴近一倍。