前球星碧咸（David Beckham）與碧咸嫂維多莉亞（Victoria Beckham）的千金哈珀（Harper）生得非常可愛，年僅5歲就有超多fans，風頭甚至勁過3個哥哥。日前碧咸嫂就於IG上載了哈七學芭蕾舞嘅相，相中佢着上全套紅色芭蕾舞衫、頭戴闊邊帽，被網民大讚「超可愛」，更得到50幾萬個like！

碧咸嫂除咗上戴哈七背影，仲有一張佢着住舞鞋，雙腳做外八姿勢嘅相，並寫住「First Position」（第一姿勢），可見哈七確實學得有板有眼，而呢對鞋仲係碧咸嫂細過著過嘅添！原來佢自從前年跟媽咪睇完芭蕾舞劇《胡桃夾子》（The Nutcracker）之後就瘋狂愛上芭蕾舞，上年開始仲去到英國皇家芭蕾舞團學跳舞，唔經唔覺都學咗成年喇，唔怪得擺起姿勢上嚟似模似樣啦。