今年港姐首輪面試，不乏來自海外嘅佳麗，佢哋嘅質素都唔錯㗎!

好似來自美國三藩市嘅Nicole Wu(胡美貽)，外貌有點似前港姐朱千雪，佢就話自己喺美國洛杉磯讀UCI，之後做餐飲業，問到佢係唔係老闆?Nicole話：「一半半啦!」Nicole又指今年好似冇海外佳麗，所以TVB叫佢嚟呢度，再問有冇男友？Nicole笑言：「唔諗呢啲喇!」

睇番Nicole嘅私人ig，就真係唔見佢有同異性嘅合照喎，只係不時見到佢會上載吓佢啲狗狗相，仲有最多嘅就係風景相，相信佢應該好鍾意去旅行，增廣見聞。