【第21屆亞姐--熱情如火】亞姐是非一浪接一浪，繼7號仝曉燕退選及2號王希瑤被踢爆整容隆胸後，由名媛榮雪梅做提名人的3號莫曉菲，昨日被踢爆豪情攬仔。有讀者昨日提供莫曉菲在夜店挨實老外任攬任抱，及與不同男伴的親暱合照，行為極為豪放。報料讀者又指莫曉菲有不良嗜好，並以釣金龜為終極目標。

亞視《2009亞洲小姐競選》港澳賽區將於明日假亞視大埔總台舉行，大會將選出8位佳麗，連同4位台灣代表及8位內地佳麗在稍後舉行的亞姐決賽中一較高下。

比堅尼豪放嬉水

12位候選亞姐中，雖然以被傳整容隆胸的A貨李嘉欣2號王希瑤是頂頭大熱，但3號莫曉菲和6號陸瑞汶則後台強勁，分別有名媛榮雪梅及甄子丹太太汪詩詩做提名人，榮雪梅更是今屆亞姐顧問團成員之一，莫曉菲要殺入決賽，可謂輕而易舉。
現年22歲、擁32、24、32勻稱身材的大學生莫曉菲，參選以來曝光率不高，不過昨日有讀者向本報爆料，指莫曉菲其實外表斯文內裏open，不但有不良嗜好，喜歡到夜店流連媾仔，主動結識富家子，以釣金龜為目標，而且性格豪放，不時與異性在夜店攬攬抱抱親熱，如去年萬聖節，她便被目睹與香港一富豪的姪仔到夜店流連。有讀者提供了一批莫曉菲在夜店挨實老外、任由攬抱的親暱合照，又有多張她攬實不同男伴的照片，還有她穿比堅尼與一名胖男到沙灘嬉水的照片，可見莫曉菲性格相當豪放。

榮雪梅撐世姪女

記者昨日致電莫曉菲的提名人、名媛榮雪梅，她說：「佢喺澳洲大，啲鬼妹仔細路女，好平常啫，唔通10幾歲女唔出去玩，或者朋友淨得女仔咩，香港係一個國際都市，大家眼光廣闊啲啦。」
榮雪梅謂莫曉菲是她的世姪女，她說：「我覺得佢身形幾均勻，好自然，樣樣都幾好，係矮咗少少。」她表示已於莫曉菲參選前提醒她會被揭私隱，她說：「我怕佢受傷害，都有少少擔心，之前已經提過佢無論你點好，冇犯錯，呢個世界都會有人有唔同睇法。」問到莫曉菲可會退選？榮雪梅說：「唔會，行得正企得正，唔使退選。」
採訪：林妃、林妙萍

各位讀者如果認識十二位亞姐，知道她們的底細，歡迎電郵mailto:[email protected]報料。