由馮德倫執導、劉德華、舒淇、張靜初、楊祐寧、尚連奴（Jean Reno）同曾志偉等主演嘅《俠盜聯盟》將會喺8月中上映，日前喺上海搞記者會，馮德倫同尚連奴都有出席，舒淇因忙緊拍黃渤套戲，所以就冇出現；至於華仔就仲養緊傷，所以未能協助宣傳。

對於第一次同華仔合作，尚連奴話：「華仔像一個網球高手，拍戲要像打網球一樣擁有一位好對手，自己才能發揮出色。」至於馮德倫就喺台上俾楊祐寧笑問：「你老婆呢？」搞到佢啲怕醜，然後講笑叫楊祐寧：「下台！」跟住馮德倫再話：「《俠》片對自己來說是一部非常重要的作品，原因之一是這部電影是第一次和我太太舒淇合作，我是認真地逼她演女主角，我們默契很好。」佢講呢句嗰陣，個樣好sweet㗎！