今季巫師開季一般，暫時錄得2勝2負；不過球員就「鬥心」十足，仲多過頭㖭。事關佢哋兩個中鋒希活同伊頓湯馬士，上星期就為咗正選席位而大打出手；兩個加埋成500幾磅，真係勁過摔角。巫師教練艾廸佐敦反而睇得好正面，認為今季取代希活做正選嘅湯馬士鬥志十足，仲話成個聯盟周不時都有呢類事件發生。咁又係，帝王嘅阿杜華謙同堅尼湯馬士開季都為正選大打出手，𠵱家隊波咪幾好。