NCAA籃球賽係NBA球星搖籃，但係始終啲球員都係入世未深嘅小朋友，犯低級錯誤一啲都唔出奇，不過講緊嘅唔係場上嘅犯錯，而係場外！威斯康辛大學的前鋒希斯（NigelHayes）出席記者會時，可能佢喺記者會上見到一位十分吸引嘅記者，就忍唔住同旁邊嘅隊友講：「天呀，佢好靚。」不幸地，喺他面前支咪仍然開着，搞到場內所有人都聽到佢呢番話，呢個時候佢先突然醒覺，驚訝咁問在場記者：「你頭先聽唔聽到？」然後就尷尬地用雙手掩面，全場包括喺希斯旁邊嘅兩位隊友都忍唔住大笑。

而熱門之一嘅威斯康辛大學即將遇上北卡羅萊納，比賽會喺湖人主場進行。希斯咁啱被分配到湖人球星拜恩嘅儲物櫃，之後佢就興奮到自拍，畀球隊放上Twitter。更加令人意想不到嘅是，拜恩竟然作出回覆，仲祝他們好運。有咁多難忘嘅事情發生，希斯會唔會注定係一個不平凡嘅球員呢？

↓慎入！同關家姐有得揮㗎！↓
http://bit.ly/1bv0A2S