當年今日
關於我們

【短片】【僅80幾磅】傳因受事業感情困擾 靚聲天后呂珊暴瘦一餐飯嘔11次

蘋果日報 2014/11/26 06:00

蘋果厭食呂珊暴瘦即時

年過半百嘅靚聲天后呂珊,近日被指離奇暴瘦,雖然佢日前同鄺佐輝出席活動時,曾解釋係因為演唱會前後,所以好緊張,當日問佢擔唔擔心?呂珊就話:「成日都有bodycheck,身體都正常,太忙精神壓力大,食唔到嘢,0依家仲輕過演唱會前,得97磅。」(新聞連結: http://goo.gl/3xXtHb)

而今日有雜誌報道指呂珊之所以暴瘦,唔係壓力大咁簡單,據報道所講,呂珊近年因為覺得感情及事業方面未達標,話佢跟男友亦即係環星老闆張國林冇名份,男方無意同佢結婚,因而令呂珊情緒變得低落。

該報道日前仲目擊呂珊食嘢時,竟然不斷吐出殘渣,話佢放入口嘅食物完全吐出,更一餐嘔足十一次,相當誇張,報道指呂珊0依家體重急跌至八十幾磅。報道訪問咗呂珊,佢喺電話否認身體出現問題,並再強調暴瘦源於壓力大。

不過呂珊今日中氣十足笑住回應:「我冇厭食症呀﹗同埋我有90幾磅0架,飲酒?唔係成日,間唔中啫﹗」至於報道話佢食完嘢又嘔番出嚟,呂珊話只係有時啲嘢唔啱食:「大庭廣眾咁梗係要搵嘢包住啦﹗禮貌嚟嘛。」提到感情生活,呂珊就話OK,其他唔提喇﹗

祝呂珊身體健康﹗