結婚一周年就被傳婚變，話李玟老公Bruce有小三，真係大吉利是。可能有人眼紅李玟嫁咗個有錢卦。

人哋都話咗冇咁嘅事，仲大肆宣揚同老公10月27號係結婚一周年，重臨香港慶祝。有埋新聞稿。講到有關慶祝方法，新聞稿話(即係Coco表示):「今年Bruce的父母更專程來到香港探望我們，我們計劃一起到中國遊玩，享受一個溫馨的家庭聚會。」

至於禮物方面，Coco就話喇:「不要送禮物給我們，把買禮物的錢捐贈予香港癌症基金會的『粉紅革命』去幫助患有乳腺癌的婦女。」做善事，抵讚。Coco又話試過唔見老公三星期，好痛苦好唔慣，仲話約定以後只可以分開十日，多半日都唔得咁話喎﹗