嘩！今年做咩呀？突然間有咁多新車出嘅？就連齋出跑車都賣到開巷嘅法拉利，都話一部599GTBFiorano唔係幾夠去滿足一班Fans，決定喺今年夏季推出一款名為612P4/5嘅新跑車，仲講到明話同EnzoFerrari一樣咁矜貴喎！點解我會知？咪就係今期《AutoEXPRESS》有介紹囉！書內介紹此車的時候，講到明話部車跟足EnzoFerrari，尤其係部車嘅流線車體設計，車重也輕得多。引擎則是同樣來自EnzoFerrari的V12偈，馬力是660匹，再加埋六前速的+/-F-1半自動波，跑起上嚟肯定好快。

新C-Class又被偷拍

我上次去日本出Trip，影到懷疑平治新CL試車的圖片，仲以為自己好威，但原來外國的汽車狗仔隊更勁，連有傳明年三月推出的新一代平治C-Class也拍攝得到！睇睇吓硬係覺得部車好似成部新S-Class咁，唔通平治呢期又玩FamilyLook？引擎配搭則跟現有型號相近，最Top的Model依然是3.2公升版，動力輸出數值會否提升，則仍有待廠方公布。

記者：鄭達基