韓國女團少女時代（少時）前成員Jessica已落實孖女團Rainbow成員栽經主持新美容節目《BeautyBible2016S/S》，將為觀眾介紹各類貼近生活嘅美容、護膚、化妝等秘方同資訊。

節目組表示：「Jessica於國內、外嘅美容化妝界都備受矚目，非常適合新推出嘅節目，一定會為觀眾帶來國外最流行嘅時尚資訊以及佢嘅獨家美容秘方。」而Jessica亦表示：「好耐之前就對美容化妝非常感興趣，好開心今次能夠擔任節目主持人，希望借呢個機會向觀眾介紹更多實用嘅資訊，請大家多多關照。」節目組亦公開二人嘅宣傳照，當中Jessica穿上紅色吊帶裙，大騷事業線，而節目將於下月2日開播。

另外，Jessica噚日亦於微博公開新照，大晒心口，又用中文留言：「天氣暖和了。春天會來嗎？今天開始清爽的一天。」