【潮男變暖爸】孖老婆返台 余文樂熟手o氹「光頭B」

蘋果日報 2018/12/01 17:52

台灣余文樂王棠云余初見
    余文樂舊年突然迎娶台灣「皮帶千金」王棠云，並於今年一索得男余初見（Cody），自從「升呢」做老竇後，余文樂不時喺Instagram晒B，父愛滿瀉，不過Cody仔至今約7個月大，仍然未正式公開露面，可見余文樂相當保護囝囝。
    今日台灣《蘋果日報》接獲讀者爆料，指余文樂一家三口喺台灣合體，佢哋喺大安區咖啡店Sugar pea食飯，同行仲有兩男一女友人，其中一名男友人抱住Cody仔玩，Cody仔相當乖，一直玩得好開心。至於王棠云，早喺今年9月已經逐步復出，見佢收身成績唔錯，氣色都幾好，反而余文樂就顯得有啲消瘦，不過潮味不減，仲一家三口着埋同款鞋。
    後來余文樂接手抱番個仔，見佢手勢純熟，仲識得拍吓囝囝背脊，安撫情緒，係個熟手爸爸。之後佢哋一行人打算離開餐廳時，余文樂好自然咁遮住囝囝個樣，甚具警覺性，之後搭車去到大安路一間民居，落車後，王棠云亦喺附近兜吓，低調地搵吓有冇被狗仔隊跟蹤，兩公婆好有默契。
    其後余文樂經理人回覆《台蘋》查詢時，指今次係余文樂嘅私人行程，仲拜託如果影到Cody仔個樣的話，請幫手打格，余文樂護子之情盡現。而余文樂經理人仲透露余文樂明年有新片《怪物先生》上映，戲中有從未有過嘅嘗試，叫fans期待。
    精選娛聞，喺晒《娛果》
    http://fb.com/appledailyent
    empty
    （台灣《蘋果日報》）
    empty
    余文樂一家三口今日約朋友喺台北食飯。（台灣《蘋果日報》）
    empty
    朋友同囝囝Cody玩完後，余文樂熟手接番囝囝。（台灣《蘋果日報》）
    empty
    睇王棠云望住老公、囝囝個樣，一臉幸福。（台灣《蘋果日報》）
    empty
    之後一行人離開，由余文樂抱仔。（台灣《蘋果日報》）
    empty
    余文樂全程護子，避免囝囝個樣見光。（台灣《蘋果日報》）
    empty
    王棠云更細心巡視有冇狗仔隊跟蹤偷拍。（台灣《蘋果日報》）
    empty
    余文樂一家三口初次喺媒體曝光。（台灣《蘋果日報》）