至於應屆港姐冠軍陳凱琳,聽日亦處女登場擔任司儀,同志偉等人拍住上,同埋會表演魔術。問佢驚唔驚到時接唔到志偉嘅gag同爆肚?陳凱琳話:「如果唔識接,就企喺度笑囉,我驚自己講錯嘢,最重要拎經驗。」
噚日陳展鵬出席台慶宣傳活動時,已表示會動員多位藝人一齊玩魔術,但只有一日時間練,又話唔知係表演乜嘢魔術。今日再問陳凱琳,佢答咗三個字:「大秘密。」又笑道:「可能變我出嚟呢。聽人講魔術失手,全場人都睇到,所以壓力都好大。」講咗同冇講,冇分別。
問另一個問題…聽晚表演魔術時需要性感上陣嗎?陳凱琳話:「應該唔需要。」咁做司儀著嗰條裙又會性感嗎?呢位民選港姐答咗個令人充滿「幻想」嘅答案,都係三個字:「靚女裙。」
叮!