當年今日
關於我們

【李八方online】鍾國斌請願 被警方以「禁聚令」打斷嬲咗

蘋果日報 2020/04/03 16:38

鍾國斌武漢肺炎禁聚令

前排政府出咗禁止4人以上公眾地方聚集嘅「禁聚令」,警察即刻有權用到盡起勢拉人。原來佢哋唔止針對黃絲,建制派都唔放過,今日自由黨黨魁鍾國斌同商界喺政總外請願,有警員不斷用「禁聚令」窒頭窒勢,搞到鍾國斌嬲咗。其實鍾國斌佢哋無俾人拉已經執到。

保安局局長李家超曾經聲稱,合法嘅示威活動同「禁聚令」唔可以混為一談,仲話「禁聚令」只係想公眾少啲社交接觸、針對抗疫嘅啫。

之不過,今日晏晝鍾國斌聯同一眾商會代表請願嘅時候,現場警員多次以「禁聚令」為由,打斷佢哋嘅請願行動,又要求請願人士只可以4個人一齊企,有啲商會代表無奈之下亦惟有行開啲,隔番開1.5米。

唔知鍾國斌係咪覺得警方公然落佢面,請願後佢搵番個警員理論,質疑警方點解唔一早提醒佢哋。警方就話喺鍾國斌嚟之前已經有提醒過部份請願人士,不過鍾國斌條氣仲未順,話警方可以等埋佢嚟再提醒多次,唔需要喺佢哋請願行動期間開咪打斷佢哋咁話喎。呢啲咪同人唔同命咯,畀着係黃絲仲點會請到願呢?

-----------------------------
【武漢肺炎】專頁
全民自救 抗疫資訊盡在《蘋果》
-----------------------------
無懼警暴 學懂自救
《抗暴之戰●法例須知》讀果 上架