神劇《太陽的後裔》男星宋仲基大前日先嚟咗香港為佢個粉絲見面會做準備，噚日Oppa已走人，不過宋仲基冇得休息，完成17號成都同埋25號台灣兩場見面會後，佢就要為新片《軍艦島》投入拍攝工作。

由宋仲基、黃政民同蘇志燮主演嘅《軍艦島》將於周五正式開工，製作公司CJE&M方面就宣佈電影將會安排於明年喺韓國同埋內地同步上映，唔知到時宋仲基會唔會順便嚟內地同埋香港做宣傳呢？

另外，韓片《燥底師兄生擒富二代》及《長壽商會》將會翻拍中國版。