美國財經雜誌《福布斯》（Forbes）每年都會公佈唔少名人明星搵錢數據，啱啱又公佈咗今年全球最高收入饒舌歌手，現年45歲嘅美國饒舌天王P.Diddy，於過去一年賺到6,000萬美元（約4.7億港元），擊敗咗年賺5,600萬美元（約4.36億港元）收入嘅另一饒舌天王Jay-Z，成為今年饒舌吸金王。

P.Diddy除咗歌唱事業外，又開有線電視及賣伏特加酒，令佢賺到盤滿砵滿。第3位就係加拿大樂壇天王Drake，佢去年賺咗3,950萬美元（約3.1億港元）。NickiMinaj係唯一打入十大嘅女歌手，佢以年賺2,100萬美元（約1.6億港元）排第9。