韓式化妝深受港女歡迎，事關韓國藝人化完妝啲皮膚又白又滑兼好水潤，令唔少港女都跟風化韓式化妝。

不過呢有時啲韓式化妝睇起上來就好鬼薄，但事實上就好鬼厚妝，所以當啲女星一卸妝後個樣，真係有好大分別。好似近期一名韓國美女主播嘅素顏look就惹來網民議論紛紛。

呢位33歲嘅女主播裴賢貞於2008年進入MBC電視台，現時主持緊《News Desk》，而有份主演神劇《來自星星的你》嘅吳尚鎮就於2011年就提及過裴賢貞係女主播中化妝前後最唔一樣嘅一個，可見裴賢貞化妝前後個樣好大分別。而近日裴賢貞嘅素顏照就曝光，唔少網民見到佢真身都嚇了一跳，事關佢冇化妝個樣真係激似「國民MC」劉在錫，唔知算係喜訊定噩耗呢？