【新增內容】
無綫高層曾勵珍今日率領劉丹、林漪娸等到旺角麥花臣場館出席支持器官捐贈活動，提到曾守明離世，珍姐表示：「我哋啱啱知道，有啲唔開心，之前佢都有拍《愛‧回家》，佢大病之後瘦過又肥番，之前見佢都有講有笑，人真係好好把握，好好珍惜。」病癒後工作量太多？珍姐話：「唔係，都有同佢傾盡量畀啲輕鬆工作，但佢反而想做多啲。」珍姐話向來都好關注年長及小朋友演員。林漪娸則指：「同佢有合作，因為佢都好多年，印象中佢好開心、好專業。」

對於馬海倫在網上留言表示同岳華失去聯絡，還很擔心對方的健康，無綫高層曾勵珍力證岳華健康，又暗指馬海倫多事，她說：「佢喺加拿大休養，真係多事，佢喺香港冇工開就會返加拿大。」至於岳華健康情況，珍姐指：「冇事，我間中同佢有聯絡，對上一次係個幾月前，唔好咁多揣測啦！」

此外，盛傳楊冪再度懷孕，老爺劉丹話：「我唔知喎。」之前影到楊冪現身南京母嬰院，劉丹話：「佢參觀，遲啲拍新戲做資料搜集，唔係呀，我冇收到通知。」

另外，梁烈唯今日出席親子活動時，提到曾守明離世一事，梁烈唯說：「喺拍攝《飛虎II》合作，消息好突然，知道佢本身身體有啲事，後來康復，人生真係無常，珍惜眼前人同身邊嘅人，要活在當下，同朋友家人相聚時盡量享受，希望大家唔好將工作嘅煩惱影響自己嘅生活。」