番書仔𠝹國寶 咁風流?
古仔新片廣告影射財爺

蘋果日報 2003/03/14 00:00


古天樂與應采兒主演的愛情喜劇《失憶𠝹女王》昨日刊登的廣告,內容似乎有影射財爺梁錦松之嫌。中國星老闆向華強太太陳嵐卻表示,該廣告的宣傳語句並沒有影射任何人。
古天樂與應采兒主演的《失憶𠝹女王》於下月中上映,昨日該片刊登了一個廣告,宣傳語句上出現了「香港番書仔榮膺北京𠝹女王、由咸水草𠝹到中國國寶、全城唱佢有咁耐風流、有咁耐折墮……」,似乎有揶揄娶中國國寶伏明霞為妻的財政司司長梁錦松之嫌。

依角色設計
財爺梁錦松早前公布了下年度預算案,大幅加稅,又偷步買車,又指港人「有咁耐風流,就有咁耐折墮」,備受各方批評,事後他解釋自己是「番書仔」,故詞不達意。中國星投資的《失》片在這敏感時刻刊登上述的宣傳語句,難免會惹人談論。昨日中國星老闆向華強太太陳嵐在電話中說:「部戲喺北京拍,係講一個喺香港讀番書返北京𠝹女嘅古仔,而古天樂做嘅角色係正牌𠝹女王,我相信部戲嘅廣告都係依照角色嚟設計,冇諗過要影射任何人。」
而身在廣州拍廣告的古天樂,昨日在電話中說:「我係拍戲嘅,政治嘅嘢一向冇理,部戲嘅宣傳策略係由專人負責,我哋做演員嘅好少過問,其實張海報係點我都未睇過。」

被要脅演出
此外,昨日內地有報道指古天樂早前返杭州宣傳電影《百年好合》時,原本做完宣傳即乘車往機場,但中途被負責當地宣傳的耐可思公司,以取消回程包機作威迫,要求他們再演出,結果古仔要折返會場表演,此事令中國星不滿。
中國星負責內地事務的楊經理向內地傳媒表示:「耐可思公司喺演員事先唔知嘅情況下,將成個活動搞到好商業,根據合約,演員係唔使表演。」中國星在內地的附屬公司創意星已準備告耐可思違約。
採訪:陳月媚
empty
《失》片海報甚有創意。