上星期有線人來電，推介我重新上車「宏通集團」（931），那時的股價是0.26元。我的回答是：「家陣就快收市，我下星期就飛去玩，邊有心情去買股票？」
結果呢？話口未完，宏通星期一大升15.09%，令我後悔到不得了。因為實情我是星期二才上機，完全有大把時間去買進這股票（本文寫於星期一的深夜，執包袱上機之前）。
另有一隻我留意了很久的股票，是朗力福（8037）。這股票我持有了兩年，幾個月前在0.17元左右沽出，果然避開了一場凶殘的震倉，現在回升到0.11元左右，又變回了抵買的價格。
我在寫本文之前，先看了《爽報》勝曉嵐的專欄，談到朗力福說：「會向喺深圳A股上市嘅福安藥業發行佔公司發行股本約5%嘅新股，仲講到明話會有業務合作，主要係搞上游研發業務。」
其實呢，勝曉嵐在這之前，已經向我說過，看好這股票。不可不知的是，呢條友呢期好紅，介紹給我的幾隻股票均賺錢，雖然賺得不多，但也有30%至50%的利潤不等。

消息多多　怎會白搞

所以呢，為免再走寶多次，我決定在明天臨上機之前，也來買一點朗力福，以免贏錢沒自己的份。然而，我最終決定買「朗力福」的真正原因，是人們打破腦袋也想不到的：皆因它在不久前宣佈了「五合一」。正所謂「一合便乾」，把散戶的股票變成了碎股，這就易炒得多了，因此很多股票在當炒之前，都會搞「合股」。
至於第二個原因也是大家猜不到的：隻股份近期搞咁多嘢，一炒都未炒過，星期一出了好消息，只是略略踢上至0.135元，跟着又打回原形了；預料點都會炒番轉、做番場好戲啩，唔係整咁多消息出來，咪白搞一場？

周顯
投資者、八卦公、知識分子
mailto:[email protected]
本欄逢周三刊出

有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange