當年今日
關於我們

【網民hot talk】火速救兵VS古惑閘口 霸氣消防員一嘢KO

蘋果日報 2018/06/04 00:02

消防車網民hot talk兆安苑停車場閘門古惑的閘霸氣消防員

【新增消防處回應】
俗語有云:救人一命,勝造七級浮屠。近日facebook流傳一段消防車疑似俾停車場閘門擋路嘅片,有霸氣消防員突然雙手出擊,將閘門拆去,以便消防車進入。拍片人唔單止無埋怨,更加讚賞消防員「呢啲先係做嘢架」。
樓主以「火速救兵 Vs 安定閘口」為題,據樓主所tag,現場係屯門安定邨,停車場閘門出咗名係「古惑的閘」,成日拍八達通都無反應,而且又試過「俾人衝甩過兩次」,但係「轉頭就裝返上去」。據樓主所講,當日消防去到閘前,「搞咗一輪都開唔到,入唔到閘」,先至逼「霸氣消防員」出手,拆走道閘。
片中見到,有4架消防車響晒警號,但係俾兩道停車場閘門攔住而停低,之後有霸氣消防員雙手將兩道閘門先後推開,其中一道閘門更加被拆離拍卡機,放喺路邊;另一道閘門就被拗向前方。呢位霸氣消防員一一消除「路障」之後,4架消防車先可以暢通無阻咁進入屋苑救援。
樓主仲話,拍片人連聲大嗌消防好嘢、做到嘢。其實道閘成日都short short哋,唔畀車過,消防咁做,都算係「為民除害」啩?
消防處回覆《蘋果》指,6月2日晚接到1宗火警召喚,話屯門安定邨定康樓發生火警,於是派消防車輛去現場,當消防車去到安定邨口嘅行車通道時,發現當時行車通道上的車閘處於關上狀態,消防人員嘗試聯絡保安員打開閘桿,但無回應,隨即自行把閘桿移開讓消防車輛通過繼續前往定康樓。
消防處又話,根據訓練指引當消防車前往執行緊急任務期間,如果俾安裝在緊急車輛通道入口的車閘阻擋,而在場並無保安員將車閘打開嘅話,消防人員會先聯絡保安員打開閘桿,如保安員未有即時反應,消防人員會把閘桿移開,俾消防車輛過。消防處強調根據香港法例第95章《消防條例》,消防人員真誠地行事嗰陣,無須為火警或其他災難發生時所作出或不作出的任何與他的職責有關連的作為在任何損害賠償的訴訟中承擔法律責任。
網民點睇
Saxon Chan:呢度閘成日都好唔生性,阻住地球轉。今日一次過爆晒兩道!!BTW,我見過比人衝甩過兩次,轉頭就裝返上去,P.S. 宜家又已經還原了
Dick Poon:做得好!啲保安好懶㗎…
Bloodyx Ronin:如果係ONX差佬,一定XX99等開
Stone WanStone:趕住救命,好型
empty
近日有網民熱議屯門安定邨有霸氣消防員「拆閘」趕去救援。兆安苑居民社群fb專頁截圖