今日藝能界喜事連連，除咗優香宣佈會嫁青木崇高，Morning娘前成員新垣里沙亦喺網誌報喜，佢會同比佢年長7年嘅男星小谷嘉一拉埋天窗。

現年27歲嘅新垣里沙喺2013年，同小谷嘉一合作舞台劇版《絕對彼氏》認識，已經拍拖2年，新垣里沙喺留言內容提到「我已決定同對我好重要、經常支持我嘅小谷嘉一組織家庭」佢仲話婚後會繼續努力工作，唔會退出藝能界。