禮拜日沙田七草三泥賽事，草地用B加2跑道，呢條跑道一向對內叠前置馬有利，以最近12月29日同一移欄賽事為例，八場轉彎路程頭馬都係守前四位入直路建功，其中「龍東至尊」、「邦之星」及「川河首駒」更加係一放到底贏馬，所以具前速擺前走之馬匹可以優先留意。第三場「邦之星」、八場「川河首駒」及九場「爪皇盛水」上仗正是在12月29日田B加2欄賽事贏馬，贏完又等番同一移欄先再跑，似乎有心想贏多場。

至於泥地方面，馬會曾於禮拜二進行翻土工程，佢哋預計跑道狀況與1月11日相似。當日兩場泥地賽放頭馬均上名，而頭馬「金巴裡好」及「奪目商人」皆守於前五位入直路建功，可見利放唔利追。頭場「金瑞」、二場「偉寶之星」及六場「開心駕到」等擅跑泥地之均速馬值得優先捧場。