韓國男團Wanna One近日攜新歌回歸，但噚日佢哋上直播節目《Star Live》時，喺準備演出前，成員唔知直播已經開始，喺後台狂吐苦水，暗示公司收賣人命，大呻冇自由同休息，又指收入只分到20%。

事件喺韓國引發爭議，唔少網民批評Wanna One唔應該咁樣數公司，有網民就炮轟佢哋嘅事務所完全唔理會藝人，只顧迫壓藝人來賺錢。

對於引發爭議，Wanna One所屬YMC事務所及Wanna One噚晚都有發表道歉聲明，Wanna One表示喺直播中令粉絲見到唔好嘅一面，同時令大家失望而覺得抱歉，直言會為事件深深反省中，承諾之後言行會更加謹慎、謙虛同成熟，同時表示唔會忘記粉絲對佢哋嘅愛。
而Wanna One嘅事務所亦表示事件對粉絲感到抱歉，強調會防止類似事件再發生，又強調：「對於實際冇喺影片中出現卻遭誤傳一事，我們深感遺憾。」事務所提及嘅「誤傳」係因為有網上流傳有成員講咗「自瀆」嘅言語，但事實上係因為韓文發音相似，估佢哋就被誤會講咗唔合適嘅言詞，有網民更直指成員河成雲用咗不當字眼，喺網上痛罵佢，不過事實上只係發音相似。而造成影片流出嘅Mnet事後也發聲明表示「日後會力阻這樣嘅事情再發生。」

更多韓流，喺晒《娛果》
http://fb.com/appledailyent