陳曉東(東東)近年專注大陸拍劇，又要照顧老婆同兩個寶貝女，但佢都冇忘記香港嘅觀眾，好似最近就開始喺香港娛樂圈活躍番。前幾個月東東透露即將有新歌，歌迷終於等到嘞！

原來已經10年冇出粵語新歌嘅東東，嚟緊20號會有新歌發佈，新歌歌名叫《時間見證》，係講述時間寶貴，要珍惜眼前人，太太王妤嫻仲做埋MV女主角。而新歌發佈之外，東東今次仲有新搞作，佢同香港陀飛輪品牌萬希泉合作，推出由東東設計嘅陀飛輪手錶，日前東東就喺柴灣拍攝廣告，太太同品牌老闆沈慧林（William）都有探班，據知新錶會喺新歌發佈當日同時宣佈誕生，可謂雙重意義。

另外，喺紐約美國康乃爾大學（Cornell University）讀碩士嘅William，自09年畢業後就冇返過美國，日前佢就去咗紐約，原來佢帶住自己創業嘅品牌衝出亞洲，舉行記者會宣佈同Michael Jackson哥哥、美國著名歌手Jermaine Jackson合作，設計Jelephant陀飛輪。