盧巧音（Candy）同白健恩今日喺會展嘅時裝展做嘉賓模特兒，Candy仲帶埋自己有份設計嘅手袋以及背囊上台show比大家睇。

現場表演完之後，設計師嘅男友上台獻花時，仲突然下跪求婚，咁全場就梗係一齊拍手起哄啦，而Candy同白健恩都拍晒手恭喜佢哋。

白健恩連續表演咗兩場，佢話今次係第一次演繹Casualwear，雖然其中一件仲係背心外套，不過自己就冇特別操弗喎。

講到見證設計師接受男友求婚，白健恩都話好感動，亦都覺得好好玩，因為覺得好意想不到。

至於自己第時會點求婚呢？白健恩就話而家連拖都未拍，真係未諗過，但係總之一定要畀另一半有好大驚喜囉。