關之琳喺《魯豫有約》嘅預告入而霸氣回應被指「拜金」，喺網上仲搵到幾段預告，其中佢仲講到自己18年出道時嘅辛酸，仲有佢經歷嘅感情。

雖然關之琳父母都係著名演員，「星二代」嘅身份冇令佢人生一帆風順反而令佢更加有壓力，關之琳仲話當年經濟壓力非常大，佢解釋當年父母唔識投資，佢中學時已經要做part time，加上18歲父母離異兼離港，一個人喺香港嘅之之，仲要負擔父母嘅生活，佢話：「所以第一年我拍了6部還是5部電視劇，也拍了兩部電影，我快瘋了！嚇瘋了，真的累到每天兩三小時，雖然是18歲，但是你沒得睡，真的好像鬼一樣，在那兒飄來飄去，不enjoy不享受那個過程。」

之之仲透露自己細個係想做室內設計師，不過佢冇得揀：「從小就覺得這個是我的責任。」佢仲分享佢大約13歲時，細佬玩火搞到書房火燭，係由之之一手一腳抬滅火器，而家人就連滅火都唔識，佢仲話當爸爸唔喺度嘅時候就係佢做爸爸角色。

訪問中，佢仲講到自已嘅感情生活，主持人問到佢邊個先係佢人生挈愛，關之琳就話：「每一段我都最愛，那已經過去了，就是一個歷史。」而邊一段分開令佢最痛苦？佢話：「沒有，以前更誇張，可能傷心一、兩天吧。這次時間比較長，因為生活一起的時間比較長，七年了嘛，可能超過兩天。」最後之之承認佢嘅人生係精彩，佢仲用廣東話講：「今生無悔」作結。