去年日本最紅人物係邊個？唔係嵐都唔係AKB，係日本吉祥物船梨精。最真係紅得恐怖，日日都喺電視見到佢，日本啲大紅人好似HelloKitty咁都黐過佢出商品。

最近連經典動畫《櫻桃小丸子》都要搵船梨精撐場，由於《櫻桃小丸子》播出25周年，聽日喺日本播嘅一集當中，就會搵船梨精客串演出，小丸子仲會孭埋佢一齊去摘生果，最過癮係觀眾可以參與遊戲，用遙控輸入答案，估下佢哋摘到幾多生果。