【再現幕前零走樣】鄧上文生3個囝囝未夠數 計劃領養變六口之家

蘋果日報 2020/05/18 06:00

鄧上文
  • empty
    36歲的鄧上文，年紀輕輕已是三子之母。
  • empty
    Shermon的樣貌和身型雖然比選美時略胖，但整體來說仍keep得不錯。
  • empty
    對於被網民讚零走樣，Shermon笑指自己其實有很多「鬼祟肉」。
  • empty
    一家五口多年在西貢生活。
  • empty
    久未有在幕前出現的Shermon，早前為黃Viu拍攝旅遊節目。（電視截圖）
  • empty
    節目中，Shermon帶嘉賓遊香港地標景點。
  • empty
  • empty
    05年奪「最上鏡小姐」名銜。（資料圖片）
  • empty
    古銅色肌膚成為標記。（資料圖片）
  • empty
    曾參演處境劇《高朋滿座》。（資料圖片）
  • empty
    10年前嫁初戀澳籍男友。（資料圖片）
  • empty
    大仔Maddox。（資料圖片）
  • empty
    三個囝囝分別8、6和3歲。 （受訪者提供）
  • empty
    留長頭髮的細仔，經常被人誤會是女孩子。（受訪者提供）
  • empty
    已有三個小朋友的Shermon，打算和丈夫領養多一個小朋友。 （受訪者提供）
  • empty
    由於大仔有哮喘關係，Shermon正考慮會否舉家移民空氣較清新的澳洲定居。（受訪者提供）
  • empty
    Shermon近日開了工作坊，教小朋友和大人一齊DIY布袋。（受訪者提供）
  • empty
    另外亦開班教自製膠印模。（受訪者提供）
  • empty
    今年大台宣佈因疫情關係，香港小姐選舉將由實體選美，變成要一班佳麗在家中自拍泳照和才藝表演等環節，然後放上網任網民評頭品足。此「破格」做法，被網民形容為騎呢版KOL大激鬥。
    36歲鄧上文（Shermon）是2005年的港姐佳麗，亦是無綫甘草演員鄧英敏的女兒，同屆港姐冠軍是葉翠翠。還在傳統選美年代參選的Shermon，憑着爽朗不造作的笑容，讓她成功勇奪「最上鏡小姐」名銜。可是，在傳統審美眼光中，其黝黑膚色卻並非主流，當時就有人批評她樣子不夠甜美，皮膚不夠白晢，有負「最上鏡小姐」之名。不過，早前Shermon為黃Viu節目《A Taste of Hong Kong S2》擔任客席主持，帶外籍嘉賓暢遊香港，已多年沒有在幕前出現的她在鏡頭前讓人眼前一亮，更被外界大讚完全零走樣，為昔日的批評，來一次大平反。
    Shermon日前在西貢接受《蘋果》專訪，穿上鮮黃色短裙的她，外型和選美當年的全盛期相差無幾，加上零添加天然樣，讓人看得舒服自在。對於被人讚零走樣，Shermon哈哈大笑說：「梗係有唔同啦，始終生咗3個小朋友，有好多地方已經移咗位，有啲又大咗，有啲又細咗，有啲又多咗……！」
    【家中無裝電視機】
    Shermon在2010年和澳洲籍初戀情人結婚後，毅然離開無綫，從此淡出幕前做全職主婦，一家五口多年來一直在西貢居住。平時Shermon要照顧三個分別8歲、6歲和3歲的兒子，少點心力、體力都難以駕馭。「一早同先生已經協議咗，小朋友就算做錯事，都盡量唔會鬧佢哋，因為咁做，小朋友只會有樣學樣，覺得鬧人係work嘅，我唔想鼓勵佢哋咁做。其實佢哋大部份時間都好乖，但始終幾個仲細，有時都會爭玩具，就算普通爭撳掣都會嗌交，呢個時候，我唔會企喺度用大人角度同佢哋傾，反而會踎喺度或坐喺佢哋隔籬，問佢哋做乜唔開心，點解嬲哥哥，點解嬲細佬，其實鬧交梗係會有個原因，咪大家一齊嘗試去搵出嚟，再化解件事囉！」
    對於一般香港人來說，電視機幾乎是每家每戶的必需品，但Shermon坦言家中自從十年前電視機壞了，便沒有再買過，她認為寧願和小朋友一起煮東西或做勞作，爭取多點時間親子互動，比純粹單向式吸收電子資訊，來得更有意義和價值。除了打理家頭細務，Shermon每日亦忙於應付3個小男孩，她笑言自己亦充當家中成員的理髮師，每次自己去髮型屋，都順便偷吓師。
    【疫情下零收入】
    武漢肺炎疫情下，各行各業都處身水深火熱中，Shermon從事壓硬幣機生意的丈夫，亦因主題樂園關閉而大受影響。「經濟壓力一定有啦，我哋呢幾個月嘅monthly income基本上係零，之前嘅社會運動，再加上疫情，影響好大，先生都有同我傾吓公司狀況。Everyone is suffering，不過起碼我哋仲有屋住，我哋有對手有能力，不過香港仲有好多人好似露宿者咁，喺疫情之下，唔好話食飯，係連乾淨嘅水都冇，因為以前有人會有飯盒畀佢哋，有政府機構去睇佢哋，但而家好多都停咗，所以呢一個月，我就同小朋友一齊整曲奇餅、鬆餅送畀佢哋，起碼小朋友有目標去做一件事。」
    現時三個小朋友因疫情關係而停學，要到下個月初才能復課，唔少家長均覺得家中上堂，成效不及在課室上課，鄧上文坦言現時丈夫多了時間在家中，可以分擔教導小朋友學業的責任。說到大仔和二仔，Shermon透露二人正就讀西貢本地小學，兩夫婦希望兒子能多學廣東話。「我同先生溝通方式都係英文，變咗小朋友聽嘅都係英文，大哥識聽好多中文但係佢唔想講，因為冇乜信心，哈哈，佢中文……嗯……有時都會合格嘅，其他科因為可以揀英文班，咁佢個grade又會好好。反而二仔講得多啲，因為未知將來會唔會返澳洲住，變咗呢段時間要盡量把握機會去吸收中文。」
    雖然已是三子之母，但原來Shermon和丈夫依然有計劃擴大家庭成員數目，不過並非生多個，而是打算領養一個。「自己生真係唔得啦，三個已經好飽啦，負荷唔到，懷孕過程越來越辛苦，第一個最舒服，陀第二同第三個嘔咗4個月同半年，若再生第四個，我肯定嘔足10個月。不過我同丈夫都鍾意有大家庭，睇吓緣份啦，性別冇所謂，不過細仔仲細，可能等佢大啲先再決定。」
    採訪：王梓嫚
    攝影：林德雄
    攝錄：馮嘉銘
    -----------------------------
    App內1-Click訂閱《蘋果動新聞》
    按此了解更多