警方本月23日至28日進行全港交通執法大行動，周二晚在facebook上公佈行動總結，亦秉承近期一貫「自我表揚」作風，上載拖走「波子（Porsche）」等名車的短片，表示一共拖走40部違例車輛及發出31,823張定額罰款通知書。文中稱，「執法大行動都係想提醒大家遵守交通法例，保持交通暢順同埋減少交通意外發生，其實唔難嘅」。

不過有網民就反而列舉「違泊黑點」，「尖沙咀河內道每日仍然泊滿一堆老闆車」、「 算吧啦」、「成個葵芳圍擺哂車冇人抄，冇人告啦！警察去左邊？」有人亦不滿地表示：「平時唔執法，一執法就講到皇恩浩蕩咁」。但亦有人將違泊問題歸咎香港太多民主自由，「就係因為香港太多民主自由，啲人唔驚警察。警察又唔夠膽去抄，所以咪周圍泊車囉！」

有網民對帖文讚好，有人指因定額罰款不高並無阻嚇作用，有人亦建議「最小加至$600-800」。另外有網民就不滿警方平日執法情況，「再請教香港警察一次，請問上環介乎水坑口街至帝后華廷一段皇后大道西，即X興潮州菜館門前，是否有路旁泊車豁免，到該路段『附近』晚膳是否可以馬路兩旁泊車？」、「筲箕灣耀興道日夜都咁多違例迫車你唔去拖？係度做Show？」

【網民點講】
Fung Gor：元州街大量違泊冇跟進，請問是否收左黑$？
Jennifer Hong：大快人心
Francis Ng：繼續嚴打！
Bob Calvin：做SHOW做到好威啊，但點解無改善過，敢問啊SIR有無認真執法!!!!
Ching Man Peony Wu：藍田碧雲道德田邨附近都好多人亂泊車，尤其是新年，希望警方多留意，真的好誇張！
Thomas Chong：點解唔永久性嚴厲執法？如果一定要有個期限，我希望係一萬年。