美國企業上月計劃裁減多達十萬餘個職位，較8月多逾五成。喺《CNNMoney》討論區，有網民講述他們喺全無心理準備下遭解僱，心血少一點都受不了。
網友Bobbie說：「我有一個同事喺歐洲公幹時，俾老細用Fax炒魷。另一同事某日返工，發覺自己辦公室嘅門鎖被更換，所有私人物件畀人放喺辦公室外一個箱裏面，嗰陣佢先知道無得撈。」
喺芝加哥一間軟件公司工作嘅網民TimK，某日出席視像會議，佢遠在加州嘅老闆透過視像電話突然對他講：「你違反守則，可以返屋企，以後唔使返工啦！」TimK最初唔知自己違反咗乜嘢守則，後來先至發現，新招聘嘅職員薪金畀佢少一半有多，原來都係錢作怪。

被屈冇返工假設辭職

網民Greg說：「我公司話要改變經營方向，所以我可以暫時唔使返工。兩日後我收到封信，話由於我冇返工，公司假設我已經辭職。」
另KathyCulpepper去銀行打簿出糧時，先至發覺無糧出，佢打電話番公司問究竟發生乜事，公司秘書話：「我哋通常會向離職員工寄出最後嗰個月嘅工資。」這時Kathy才知道被炒。
不過，根據美國《勞工法》，如果一家聘有100名或以上員工的公司，在同一地點裁員50人或以上，必須在至少60日前向員工發出書面通知，否則屬違反法例，如果個別個案則不受限制。