【生活潦倒?】「銀河十星」李中寧轉行做保安 同學邵仲衡:最緊要生活開心
英國李中寧銀河十星三級超人停車場保安
離開香港娛樂圈多年嘅「三級超人」李中寧,今日被爆佢已經喺英國回流返港,任職一停車場嘅保安,身形冇三級超人嗰時咁Fit之外,佢仲自爆近年身體變差,患上白蝕,又有初期腦退化,要靠藥物控制病情㖭。
與李中寧同為當年大台力捧嘅「銀河十星」嘅邵仲衡(大佬孝),佢都話有留意到報道,佢今日接受《蘋果》電話訪問,大談當年同李中寧嘅逸事。
大佬孝就話:「佢當年係我同班同學,佢份人好過癮,佢出現大家幾時都好開心,係開心果。」問佢覺唔覺李中寧有點潦倒?大佬孝直言:「好難講話潦倒,人人都有追求唔同嘅嘢,最緊要自己生活開心舒泰,職業係無分貴賤,喜歡做唔同嘅嘢係自己嘅選擇,最緊要係身體OK,冇大毛病,希望大家都好,我祝福佢。」