日本球員學習漫畫《足球小將》咁外闖嘅決心真係好大，最新就有大阪飛腳嘅19歲中場堂安律，佢已經落實以外借身份加盟荷甲嘅格羅寧根，周日代表飛腳主場對川崎前鋒，係佢嘅日職告別戰。

安堂律係日本U20世界盃嘅主力，幫日本入過兩粒分組賽出線，亦都預期係東京奧運嘅東道主骨幹；據報格羅寧根先俾一筆冇透露嘅借用費俾飛腳，如果借用一季期間表現滿意，格軍可以優先買斷佢。安堂律將會踢埋周日對前鋒嘅日職，6月28號就會飛到荷蘭接受體測。